SCHADAGAI

SCHADAGAI
tertius filiorum Schinguis-kani, accepit a Patre Mavaranalhariam, Corasmiam, aliasque provincias, ad Oxum fluv. quae inposterum ab ipsius nomine Schagadai, alias Tartaria Orientialis, dictae sunt. Sedem Regni Samarcandae posuit, et conversus ad fidem Christianam templum Ioanni Bapt. in ea struxit, Paulô Venetô teste. Ei successit fil. nomine Barak, post quem series Regum Scha-Iadaiae interrupta est usque ad A. C. 1350. quô Samarcandae regnasse iterum legitur Soyorgat-Mech, seu Hussein, cui Tamerlanes successit A. C. 1370. Qui cum Tartarici Imperii fines immane quantum ampliâsset, post mortem eius ortis dissiciis intestinis imminuta potentia est non parum; posteri tamen illius Regnum Scha-Iadaiae et Indiae retinuerunt: quorum illô in Regnum Chorazan et Mawaranachar divisô circa A. C. 1470. ex hoc tandem Regnum Magni Mogolis ortum est. Idem Orb. Imper. p. 438. et seqq.

Hofmann J. Lexicon universale. 1698.

Look at other dictionaries:

  • SCHINGUIS Khan — i. e. Rex Regum, Tartarici Imperii conditor, circa A. C. 1187. Fuit is fil. Suko Baduri, Mogolum, qui Tartarica tribus erant, Principis, qui in aula Unkami Regis Magnae Tartariae Nestoriani, velut obses educatus, ac proditionis apud eum falso… …   Hofmann J. Lexicon universale

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.